26 თებერვალს, კვირას, ქართული ქორეოგრაფიის ეროვნული ცენტრის ორგანიზებით, ბორჯომის კულტურის ცენტრში ზამთრის ფესტივალი „ბორჯომი 2023“ გაიმართება.

ფესტივალში ჩაერთვება ხარაგაულის კულტურის და ხელოვნების ცენტრთან არსებული ქორეოგრაფიული ანსამბლი „უბისი“ (ხელმძღვანელები ელისო და ზაზა ლურსმანაშვილები).

„ამ ფესტივალში ყოველწლიურად ვერთვებოდით, – ამბობს ანსამბლ „უბისის“ ქორეოგრაფი ზაზა ლურსმანაშვილი, –  თუმცა გასული ორი წელი, პანდემიის გამო, ვერ მივიღეთ მონაწილეობა. წელს ფესტივალზე ორ ცეკვას – „აფხაზურსა“ და „აჭარულს“ წარვადგენთ“.