ხარაგაულელი ფალავანი ზაურ ბერაძე დღეს, 9 იანვარს, თავისუფალი სტილით ჭიდაობაში საქართველოს ეროვნული ჩემპიონატის ფინალში ოქროს მედლის მოსაპოვებლად იბრძოლებს.

საქართველოს ჩემპიონატი თავისუფალი სტილით ჭიდაობაში ბათუმის სპორტის სასახლეში მიმდინარეობს.

დღეს ასპარეზობას დარჩენილი 5 წონითი კატეგორიის მოჭიდავეები დაიწყებენ.

ზაური ბერაძე (ხარაგაული) ტატო გაფრინდაშვილს (თბილისი) 86კგ. წონით კატეგორიის ფინალში შეხვდება.

საქართველოს ჭიდაობის ეროვნული ფედერაციის მიერ გავრცელებული ინფორმაციით, 9 იანვარს გულშემატკივარი ხალიჩაზე იხილავს მსოფლიოს სამგზის ჩემპიონს, ევროპის ორგზის ჩემპიონს და ოლიმპიური თამაშების ორგზის პრიზიორ გენო პეტრიაშვილს.

დღესვე ასევე იასპარეზებენ ეროვნული და ასაკობრივი ნაკრებების რიგებში მსოფლიოსა და ევროპის ჩემპიონ/პრიზიორები.

წინასწარი ეტაპის შეხვედრები 11:00-დან დაიწყება.

ასპარეზობის ხილვა პირდაპირ ეთერშია შესაძლებელი.

live GMS TV