ინტელექტუალური კონკურსის „ვიცნობდეთ ხარაგაულს“ ფინალში ზონალურ ტურებში გამარჯვებული ექვსი სკოლის გუნდი მონაწილეობდა.

სასულიერო გიმნაზიის, მარელისის, ლეღვანის, ზვარეს, ვერტყვიჭალისა და ბორის სკოლების გუნდებს შორის გამარჯვება სასულიერო გიმნაზიამ მოიპოვა.

ხარაგაულის მუნიციპალიტეტში მოქმედი საჯარო სკოლების უფროსკლასელებისთვის ეს კონკურსი სპორტისა და შიდა ტურიზმის ცენტრის ორგანიზებით გაიმართა. კონკურსის მიზანი ახალგაზრდებში ხარაგაულის ისტორიის, ხარაგაულთან დაკავშირებული ცნობილი ფაქტების, მოვლენების, გამოჩენილი ადამიანების შესახებ ცოდნის გაღრმავებაა.