მერძევეობის მოდერნიზაციისა და ბაზარზე წვდომის სახელმწიფო პროგრამა იწვევს ამ დარგით დაინტერესებულ ფერმერებს.

სახელმწიფო პროგრამის ფარგლებში ფერმერებს საშუალება აქვთ მიიღონ თანადაფინანსება შემდეგ მიმართულებებზე:

  • რძის პირველადი წარმოება – შენობა-ნაგებობისა და ფერმის მოწყობისთვის საჭირო მცირე აღჭურვილობა;
  • ვეტერინარია და ხელოვნური განაყოფიერება – მანქანა-დანადგარებისა და სატრანსპორტო საშუალებების შეძენა;
  • ალტერნატიული საქმიანობები ახალგაზრდებისთვის – არაუმეტეს 100 კვმ სათბურის მოწყობა;
  • მზის ენერგიაზე მომუშავე ელექტრო სადგურის მოწყობა (არაუმეტეს 5 კვტ სიმძლავრე);
  • სურსათის უვნებლობის საერთაშორისო სტანდარტების/სისტემების დანერგვა.

არსებულ ბიზნეს საქმიანობებში გათვალისწინებულია თანადაფინანსება:

  • რძის შემგროვებელი პუნქტისა და რძის გადამამუშავებელი საწარმოს სპეციალური სატრანსპორტო საშუალებების, მანქანა-დანადგარებისა და არსებული შენობა-ნაგებობის მოდერნიზება/რემონტისთვის.

პროგრამა ხორციელდება შემდეგ რეგიონებში: ქვემო ქართლი, კახეთი, იმერეთი, რაჭა-ლეჩხუმი და ქვემო სვანეთი, სამეგრელო-ზემო სვანეთი და სამცხე-ჯავახეთი.

ამ პროგრამის შესახებ დამატებითი ინფორმაციის მისაღებად ეწვიეთ სოფლის განვითარების სააგენტოს ვებგვერდს.