შეფასებისა და გამოცდების ეროვნული ცენტრისგან მოპოვებული ინფორმაციით, აბიტურიენტების აპელაციების შედეგები 22 აგვისტოს კვირაში ვებგვერდზე naec.ge გამოქვეყნდება.

აპელაციის შედეგების გაცნობის შემდეგ აბიტურიენტებს საშუალება ექნებათ მომდევნო დღის 18:00 საათამდე საგანმანათლებლო პროგრამების ჩამონათვალში ცვლილებები შეიტანონ.

უმაღლეს სასწავლებლებში ჩარიცხვის საბოლოო შედეგები აგვისტოს ბოლო დღეებში გახდება ცნობილი.

2022 წელს ერთიან ეროვნულ გამოცდებზე დარეგისტრირებული იყო 41 000-ზე მეტი აბიტურიენტი. აბიტურიენტების 116 938 ნაშრომიდან 4881 ნაშრომი (საერთო რაოდენობის 4,17%) გასაჩივრდა.