ხარაგაულში კორონავირუსით ინფიცირების შემთხვევები, გასულ თვეებთან შედარებით, გაიზარდა.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, 27 ივლისის მდგომარეობით ხარაგაულის მუნიციპალიტეტში კორონავირუსით 19 პირია ინფიცირებული.

დ. ხარაგაულსა და მოლითში კორონავირუსით 4-4 პირია ინფიცირებული, ლაშეში – 3, საღანძილესა და უჩამეთში – 2-2, წყალაფორეთში, ზარანში, საქასრიასა და კიცხში თითო-თითო.

პირველი ივლისიდან 27 ივლისამდე ხარაგაულში ლაბორატორიულად covid-19-ით ინფიცირების 59 ახალი შემთხვევა დადასტურდა.

ხარაგაულში კორონავირუსის პირველად დადასტურებიდან (2020 წლის 15 ოქტომბერი) 2022 წლის 27 ივლისამდე სულ 5 435 შემთხვევაა გამოვლენილი. მათგან 5367 პირი გამოჯანმრთელდა, 49 ინფიცირებული გარდაიცვალა. ამჟამად ხარაგაულის საზოგადოებრივი ჯანდაცვის ცენტრში კორონავირუსზე მხოლოდ სწრაფი ტესტი ტარდება.