საავტომობილო მაგისტრალის ჩუმათელეთი-ხუნევის მონაკვეთზე, ავტობანის მშენებლობის გამო, ავტოტრანსპორტის მოძრაობა დროებით შეიზღუდება.

მშენებელი ორგანიზაცია ,,ჩინეთის გზებისა და ხიდების კორპორაციის“ საქართველოს ფილიალი ახორციელებს ხიდზე რკინა-ბეტონის წინასწარდაძაბული კოჭების მონტაჟს. ამის გამო ავტოტრანსპორტის უსაფრთხო გადაადგილების მიზნით, 2022 წლის 22 და 23 ივნისს 02:00 სთ-დან 06:00 სთ-მდე, აღნიშნულ მონაკვეთზე ავტოტრანსპორტის მოძრაობა ჩაიკეტება 10-15 წუთიანი ინტერვალით.