ხარაგაულის საზოგადოებრივი ჯანმრთელობის დაცვის ცენტრის ორგანიზებით, დაავადებათა ადრეული გამოვლენისა და სკრინინგის პროგრამის ფარგლებში, იგეგმება სახელმწიფო სკრინინგის უფასო პროგრამა. პროგრამა შეიცავს 4 კომპონენტზე უფასო კვლევას:

1) ძუძუს კიბოს სკრინინგი – 40-70 წლის ასაკის ქალებში, 2-წლიანი ინტერვალით;

2) საშვილოსნოს ყელის კიბოს სკრინინგი – 25-60 წლის ასაკის ქალებში 3-წლიანი ინტერვალით;

3) პროსტატის სკრინინგი – 50-70 წლის ასაკის მამაკაცებში წელიწადში ერთხელ;

4) მსხვილი ნაწლავის კვლევა – ორივე სქესის ბენეფიციარებში 50-70 წლის ასაკში 2-წლიანი ინტერვალით.

ამ დაავადებებზე სკრინინგი ქუთაისის ონკოლოგიურ კვლევით ცენტრში ჩატარდება. სკრინინგის მსურველებისთვის ამ ცენტრამდე ხარაგაულიდან ტრანსპორტირება უფასოა.

სკრინინგის მსურველებმა რეგისტრაციისთვის უნდა მიმართონ ხარაგაულის საზოგადოებრივი ჯანმრთელობის დაცვის ცენტრს სამუშაო დღეებში 10:00 საათიდან 17:00  საათამდე, ან დარეკონ ტელეფონის შემდეგ ნომრებზე:

577 14 01 57 (ქეთევან თავზარაშვილი); 593 3313 66 (მაკა გელაშვილი); 577 60 88 01 (ნატა ლურსმანაშვილი).