საქართველოს განათლებისა და მეცნიერების მინისტრის ბრძანებით, ეროვნულ სასწავლო გეგმაში განხორციელდა ცვლილება, რომლის მიხედვითაც სკოლებში პირველი კლასის მოსწავლეებისათვის ჭადრაკის შესწავლა აუცილებელი ხდება.

„ჭადრაკის სწავლების ძირითადი მიზნებია მოზარდში ანალიტიკური, ლოგიკური, სისტემური და სიმბოლური აზროვნებისა და კვლევის უნარ-ჩვევის გამომუშავება. ამ საგნის სწავლამ მოსწავლეს უნდა შესძინოს ის უნარ-ჩვევები, რომლებიც მას დაეხმარება ცხოვრებისეული პრაქტიკული პრობლემების გადაჭრაში,“ – ნათქვამია ბრძანებაში.