ბოლო წელიწადნახევარში პირველად საქართველოში არც ერთი კოვიდინფიცირებული არ გარდაცვლილა.

დაავადებათა კონტროლის ეროვნული ცენტრის მონაცემების თანახმად, უკანასკნელად ასეთი შემთხევა 2020 წლის 27 სექტემბერს დაფიქსირდა. გასულ 24 საათში ჩატარებული 22 625 ტესტირებიდან დადასტურებულია კორონავირუსით ინფიცირების 324 შემთხვევა, 721 ინფიცირებული კი  გამოჯანმრთელდა.

საქართველოში კორონავირუსის პირველად გამოვლენიდან (2020 წლის 26 თებერვალი) 2022 წლის 7 აპრილამდე საქართველოში კორონავირუსის 1 650 708 შემთხვევაა დადასტურებული. მათ შორის გამოჯანმრთელდა 1 629 987 ადამიანი, 16 765 პაციენტი კი გარდაიცვალა.