საკვირაო წირვის შემდეგ, 13 მარტს, ხარაგაულის ქუჩებში მრევლისა და სასულიერო პირების ხატებით მსვლელობა მოეწყობა.

მარგვეთისა და უბისის ეპარქიის ეპისკოპოსის, მეუფე მელქისედეკის (ხაჩიძე) ლოცვა-კურთხევით, სასულიერო პირები ხარაგაულის ქუჩებს აკურთხებენ.

„დიდმარხვის პირველი კვირის ბოლოს, მერვე საუკუნიდან, ეკლესია მართლმადიდებლობის ზეიმს აღნიშნავს, – ამბობს ხარაგაულის მაცხოვრის შობისა და თორმეტი მოციქულის სახელობის ტაძრის მღვდელმსახური მამა თომა (ლაცაბიძე), – ტრადიციულად, ამ დღეს, წირვის შემდეგ, ხატებით მსვლელობა – ლიტანიობა ეწყობა. მორწმუნე ადამიანები ამით ხატმებრძოლობასთან გამარჯვებას აღნიშნავენ“.