საქართველოს კათოლიკოს პატრიარქის ილია მეორის ლოცვა-კურთხევით, 27 თებერვლიდან საქართველოს ტაძრებში უკრაინელი ხალხისათვის ჰუმანიტარული დახმარება (ბურღულეული, ზეთი, ფქვილი, წყალი, პირველადი მოხმარების მედიკამენტები და ა.შ.) გროვდება.

„მარგვეთისა და უბისის ეპარქიაში, მეუფე მელქისედეკის კურთხევით, ჰუმანიტარული დახმარება ხარაგაულის მაცხოვრის შობისა და თორმეტი მოციქულისა და ზესტაფონის ყოვლადწმინდა ღვთისმშობლის მიძინების სახელობის საკათედრო ტაძრებში შეგროვდება.

მოვუწოდებ საზოგადოებას, ჩვენს მრევლს აქტიურად ჩაერთონ აქციაში“, – ამბობს, მარგვეთისა და უბისის ეპარქიის ეკონომოსი დეკანოზი პავლე (ცერცვაძე).