ხარაგაულის მუნიციპალიტეტში, ბოლო 24 საათში, კორონავირუსის 84 ახალი შემთხვევა გამოვლინდა. ამით covid-19-ით ინფიცირებულთა საერთო რაოდენობა 4862-მდე გაიზარდა.

კორონავირუსის 16 შემთხვევა დაფიქსირდა დაბა ხარაგაულში, 4-4 შემთხვევა – საღანძილეში, ვარძიაში, კიცხსა და ბორითში; 3-3 შემთხვევა – ჯაფაროულში, ვანში, თეთრაწყაროში, ბაზალეთში, უბისაში, ხემაღალსა და საქასრიაში.

დღეისათვის ხარაგაულის მუნიციპალიტეტში 545 აქტიური შემთხვევაა, რაც იმას ნიშნავს, რომ ამდენ მოქალაქეს covid-19 ლაბორატორიულად დაუდასტურდა.

რეალურად, ამ ვირუსით გაცილებით მეტი ადამიანია ინფიცირებული.

ამჟამად, ხარაგაულის მუნიციპალიტეტიდან, კლინიკებში 47 ინფიცირებული მკურნალობს.

თვითიზოლაციაში 131 მოქალაქე იმყოფება.