13 თებერვალს ღვთივგანისვენა მღვდელმონოზონმა მათემ (ბუაჩიძე).

ამასთან დაკავშირებით მარგვეთისა და უბისის ეპარქიამ განცხადება გაავრცელა:

„თავდაპირველად მღვდელმონაზონ მათეს (ბუაჩიძე) დაკრძალვა უბისის წმინდა გიორგის სახელობის მამათა მონასტრის ეზოში გადაწყდა. თუმცა თავად მამა მათეს ანდერძად ჰქონია დატოვებული, რომ დაეკრძალათ ნაფეტვრების წმინდა გაბრიელ აღმსარებელი და სალოსის სახელობის მონასტერში.

ამიტომ გადაწყვეტილება შეიცვალა და დაკრძალვა შედგება ხუთშაბათს, 17 თებერვალს, 14:00 საათზე ნაფეტვრების წმინდა გაბრიელ აღმსარებელი და სალოსის სახელობის მონასტრის ეზოში“, – ნათქვამია განცხადებაში.