ხარაგაულის სოფელ დიდვაკეში მცხოვრები 50 წლამდე ასაკის ქალი კორონავირუსით თერჯოლის კოვიდკლინიკაში გარდაიცვალა.

საზოგადოებრივი ჯანდაცვის ცენტრის დირექტორის, ალექსანდრე ტაბატაძესგან, მოპოვებული ინფორმაციით, ის კლინიკაში, თვეზე მეტია, რაც მკურნალობდა.

იყო თუ არა გარდაცვლილი ქალი კოვიდსაწინააღმდეგო ვაქცინით აცრილი, ამის შესახებ საზოგადოებრივი ჯანდაცვის ცენტრში, ჯერჯერობით, ინფორმაციას არ ფლობენ.

ხარაგაულის მუნიციპალიტეტში კორონავირუსით გარდაცვლილთა საერთო რაოდენობა 44-მდე გაიზარდა.