კორონავირუსის პანდემიის გავრცელების გამო, ხარაგაულის ათ საბავშვო ბაღში სასწავლო-სააღმზრდელო პროცესი შეწყდა.

სკოლამდელ დაწესებულებათა გაერთიანების დირექტორის, მამუკა ჭიპაშვილის ინფორმაციით, პირველი თებერვლიდან კვირის ბოლომდე სწავლა შეწყვეტილია სარგვეშის, ღორეშას, გედასამანიის, ვახანის, ლეღვანის, მოლითის, წიფას, ხიდარის, წყალაფორეთისა და ბორის საბავშვო ბაღებში.

მამუკა ჭიპაშვილი ამბობს, რომ გაერთიანებაში შემავალ 21 საბავშვო ბაღში სულ რეგისტრირებული 600 აღსაზრდელიდან, ბოლო ორი დღეა, საბავშვო ბაღებში 120 ბავშვი დადის.