28-31 იანვარს ხარაგაულში კორონავირუსი 130 ადამიანს დაუდასტურდა.

ხარაგაულში კორონავირუსის პირველად დადასტურებიდან დღემდე, ჯამში, 3951 შემთხვევაა გამოვლინდა. მათგან 3563 ადამიანი გამოჯანმრთელდა, 43 გარდაიცვალა.

დღეისათვის ხარაგაულის მუნიციპალიტეტში მცხოვრებ 345 პირს აქვს კორონავირუსი ლაბორატორიულად დადასტურებული. მათგან 28 ინფიცირებული საავადმყოფოშია გადაყვანილი, ხოლო დანარჩენები სახლში, ოჯახის ექიმის მეთვალყურეობით, მკურნალობენ.

ხარაგაულის მუნიციპალიტეტში ამჟამად იზოლაციაში 158 მოქალაქე იმყოფება.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ბოლო კვირის განმავლობაში კორონავირუსის დამდგენ ტესტირებაზე მომართვიანობა საგრძნობლად გაზრდილია.