ბოლო 24 საათში ხარაგაულში კორონავირუსი 56 პირს დაუდასტურდა, გამოჯანმრთელდა ათი ინფიცირებული.

კორონავირუსის ხარაგაულში პირველად დაფიქსირებიდან 26 იანვრამდე ეს ვირუსი 3776 პირს გამოუვლინდა, მათგან 3435 გამოჯანმრთელდა, 43 გარდაიცვალა.

26 იანვრის მდგომარეობით covid-19 ხარაგაულში 298 პირს აქვს დადასტურებული. მათგან 14 საავადმყოფოში მკურნალობს, დანარჩენები ბინაზე, ოჯახის ექიმის მეთვაყურეობით.

ხარაგაულის საზოგადოებრივი ჯანდაცვის ცენტრის ინფორმაციით, ამჟამად ხარაგაულში იზოლაციაში 86 ადამიანი იმყოფება.

საქართველოში ბოლო 24-საათში კორონავირუსის 17 530 ახალი შემთხვევა დადასტურდა, გამოჯანმრთელდა 5 087 პირი, 39 ინფიცირებული კი გარდაიცვალა.