ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ბოლო 24 საათში ხარაგაულში კორონავირუსით ინფიცირების 12 ახალი შემთხვევა დადასტურდა.

ამით ხარაგაულში კორონავირუსის პირველად დაფიქსირებიდან 21 იანვრამდე ამ ვირუსით სულ 3592 პირი დაინფიცირდა, მათგან 3405 გამოჯანმრთელდა, 43 გარდაიცვალა.

ამჟამად 144 ინფიცირებულიდან 11 სტაციონარში მკურნალობს, დანარჩენები ბინაზე, ოჯახის ექიმის მეთვალყურეობით.

Stopcov.ge-ზე გამოქვეყნებული ინფორმაციის თანახმად, 21 იანვრის მდგომარეობით საქართველოში covid-19-ით ინფიცირების 8 767 ახალი შემთხვევა გამოვლინდა, გამოჯანმრთელდა 5 173  პირი, დადებითობის დღიური მაჩვენებელი არის 15.55%.

ბოლო 24 საათში საქართველოში კოვიდით ინფიცირებული 49 პირი გარდაიცვალა.