ხარაგაულის მერიის კულტურის სამსახურის უფროსის, ირინე ჩხეიძესგან მოპოვებული ინფორმაციით, 8 იანვარს, ადმინისტრაციული შენობის წინ საშობაო ბაზრობა და საბავშვო გასართობი სივრცე მოეწყობა.

ღონისძიება 14:00 საათზე დაიწყება. ხარაგაულელი მეწარმეების პროდუქციის გამოფენა-გაყიდვა საღამოს რვის ნახევრამდე გაგრძელდება.

15:00 საათიდან 16:30 საათამდე ადგილობრივი შემსრულებლების მონაწილეობით კონცერტი ჩატარდება. ამ საზეიმო ცერემონიაზე საპატიო ხარაგაულელები დაჯილდოვდებიან.

15:00 საათიდან 18:00 საათამდე ბავშვებს მოსიარულე ორკესტრი გაართობს. პატარებს სანტა კლაუსთან ფოტოსესიის შესაძლებლობა ექნებათ.

საღამოს ექვსი საათიდან რვა საათამდე ხარაგაულში „თეატრალური კვარტეტის“ კონცერტი გაიმართება. ღონისძიება საახალწლო ფოიერვერკით დასრულდება.