ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, გასულ, 2021 წელს, ხარაგაულის მუნიციპალიტეტში კორონავირუსით ინფიცირების ყველაზე მეტი შემთხვევა ნოემბერში დაფიქსირდა.

ნოემბერში covid-19 954 პირს დაუდასტურდა. 2021 წელს ხარაგაულში კორონავირუსით 36 ადამიანი გარდაიცვალა.

ხარაგაულში კორონავირუსის პირველად დაფიქსირებიდან (2020 წლის 15 ოქტომბერი) 2022 წლის 6 იანვრამდე ეს ვირუსი 3448 პირს გამოუვლინდა. მათგან 3025 გამოჯანმრთელდა, ხოლო 43 გარდაიცვალა.