„თამბაქოს კონტროლის შესახებ“ კანონში პარლამენტმა ცვლილებები შეიტანა.

ცვლილების მიხედვით, თამბაქოს მოწევა აკრძალული იქნება ტაქსისა და ნებისმიერ სანაოსნო საშუალებაში.
თამბაქოს მოწევა აგრეთვე აიკრძალება ავტომობილში, როდესაც ამ ავტოსატრანსპორტო საშუალებით არასრულწლოვანი მგზავრობს.

კანონს დაემატა ტერმინი – „ბრენდის გაფართოება“.
დაწესებულება ვალდებული იქნება არ დაუშვას იმ შენობა-ნაგებობაში ან/და ტერიტორიაზე, სადაც ის საქმიანობას ეწევა, თამბაქოს მოხმარების შედეგად არსებული კვამლის, აეროზოლის, ფერფლის, ნამწვის არსებობა, აგრეთვე ჩილიმისა და საფერფლის განთავსება.

წყარო