ბოლო 24-საათში კორონავირუსი ხარაგაულში ხუთ პირს დაუფიქსირდა.

ისინი კიცხის, დიდვაკისა და ბორითის მაცხოვრებლები არიან.

covid-19-ის ხარაგაულში პირველად დაფიქსირებიდან 30 დეკემბრამდე სულ ამ ვირუსით 3 413 პირი დაავადდა, მათგან 2930 გამოჯანმრთელდა, 43 კი გარდაიცვალა.

ამჟამად ხარაგაულში 440 ინფიცირებულიდან 27 პირი საავადმყოფოში მკურნალობს. დანარჩენები ბინაზე – ოჯახის ექიმის მეთვალყურეობის ქვეშ იმყოფებიან.

ხარაგაულის საზოგადოებრივი ჯანდაცვის ცენტრის თანამშრომლები მოქალაქეებს რეგულაციების მაქსიმალურად დაცვისკენ მოგვიწოდებენ – ვატაროთ პირბადე და ახალი წლის დღეებში ხალხმრავალ შეკრებებს თავი ავარიდოთ.