მესამე დღეა, რაც ხარაგაულში მობილური კავშირის კომპანია „მაგთის“ აბონენეტებთან დაკავშირება შეზღუდულია.

ამ კომპანიის საზოგადოებასთან ურთიერთობის სამსახურის მენეჯერის, ქეთევან ნაცვლიშვილისგან მოპოვებული ინფორმაციით, დასავლეთ საქართველოს უმეტეს რეგიონებში მობილური სიგნალის გადამცემი ანძები თოვლისგან დაზიანდა.

„ამჟამად ანძების აღდგენითი სამუშაოები ინტენსიურად მიმდინარეობს, – ამბობს ქეთევან ნაცვლიშვილი, – მოტეხილი ანძების გამოცვლა, რთული რელიეფის გამო, გაძნელებულია.

ხარაგაულში „მაგთის“ მობილური კავშირი, სავარაუდოდ, ხვალ, 25 დეკემბერს, აღდგება“.