ბოლო ორ დღეში ხარაგაულში კორონავირუსის 25 ახალი შემთხვევა გამოვლინდა.

ხარაგაულის ჯანდაცვის ცენტრის თანამშრომელი ირინე გელაშვილი ამბობს, რომ ეს კორონავირუსის შემთხვევათა ზუსტი ინფორმაცია არ არის, რადგან COVID-19-ის დამდგენ ტესტირებაზე მოსახლეობა უგზოობის გამო ვეღარ მოდის.

სულ ხარაგაულში კორნავირუსის 3374 შემთხვევაა გამოვლენილი, 2820 ინფიცირებული გამოჯანმრთელდა, ხოლო 43 გარდაიცვალა.

511 ხარაგაულელი ინფიცირებულიდან 30 საავადმყოფოშია გადაყვანილი, დანარჩენები ოჯახის ექიმის მეთვალყურეობით მკურნალობენ.

იზოლაციაში 70 პირი იმყოფება.