ინტენსიური თოვისა და დაბალი ტემპერატურის გამო, რიკოთის უღელტეხილის რიგ მონაკვეთებზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია.

ზოგიერთ მონაკვეთზე ავტოტრანსპორტის მოძრაობა დასაშვებია მხოლოდ მოცურების საწინააღმდეგო ჯაჭვების გამოყენებით.

ეს ინფორმაცია საავტომობილო გზების დეპარტამენტმა 22 დეკემბერს გაავრცელა.

საავტომობილო გზების დეპარტამენტი საავტომობილო გზების გაწმენდით სამუშაოებს აგრძელებს და მოუწოდებს მძღოლებს, რომ იმ გზებზე, სადაც მოსალოდნელია ნალექი და დაბალი ტემპერატურა, იმოძრაონ ზამთრის სეზონური საბურავებით.