„ახალი განათლების“ მიერ გამოცხადებულ კონკურსში – „დაწერე ნოველა“ ასამდე მოსწავლე ჩაერთო.

მათგან ჟიურიმ ფინალისთის ათი ნოველა შეარჩია.

ერთი გამარჯვებული კონკურსის ჟიურიმ დაასახელა, ხოლო ორი საუკეთესო – ვებგვერდის მკითხველისა და სოციალურ ქსელში „მოწონებების“ მიხედვით შეირჩევა.

„ჟიურის რჩეულია“ მარიამ ჩაჩანიძე (ხარაგაულის მუნიციპალიტეტის ხიდრის სკოლა);

„ვებგვერდის ლიდერი ნოველა“– გამარჯვებულია მიხეილ სარუხანიანი, (ბოლნისი, დაბა კაზრეთის #1 სკოლა); 

„Facebook-ის ლიდერი ნოველა“ – თამარ აქუბარდია (წალენჯიხა, სოფ. ჭალეს სკოლა).

ეს მოსწავლეები წიგნის 200-ლარიან ვაუჩერს მიიღებენ – მარიამი გამომცემლობა „ინტელექტისგან“, მიხეილი – „ბაკურ სულაკაურის გამომცემლობისგან“, ხოლო თამარი – გამომცემლობა „არტანუჯისგან“.

საუკეთესო ათეულიდან თავისი რჩეულები სხვადასხვა გამომცემლობებმა დაასახელეს:

„ახალი განათლების“ რჩეულიები არიან – ასლან შაინიძე (ლაგოდეხი, სოფ. არეშფერანი), მალხაზ გულბანი (მესტია, სოფ. იფარი);

გამომცემლობა „აგორას“ რჩეული – სოფიკო ხერგიანი (მესტიის #3 სკოლა);

გამომცემლობა „გლოსას“ რჩეული – მეგი ჩხეტიანი (წალკა #1 სკოლა).

ათივე ფინალისტი, კონკურსში მონაწილეობისთვის, სერტიფიკატებით დაჯილდოვდება.

სამი გამარჯვებული მოსწავლის სკოლის ქართული ენისა და ლიტერატურის კათედრა საჩუქრად  გაზეთ „ახალი განათლების“ 2022 წლის ერთწლიან ხელმოწერას მიიღებს.

წყარო