ბოლო 24 საათში ხარაგაულში კორონავირუსი 11 ადამიანს დაუდასტურდა, მათგან ორი ბავშვია.

ახალი შემთხვევები გამოვლინდა დიდვაკეში, დაბა ხარაგაულში, მაქათუბანსა და ხიდარში. ყველა ინფიცირებული დაავადებული ოჯახის წევრის კონტაქტია.

პირველად დადასტურებიდან დღემდე ხარაგაულში COVID-19-ის 3282 შემთხვევაა გამოვლენილი, 2710 ინფიცირებული გამოჯანმრთელდა, ხოლო 42 გარდაიცვალა.

ამჟამად 530 ხარაგაულელი ინფიცირებულიდან 40 მათგანი საავადმყოფოშია გადაყვანილი, ხოლო დანარჩენი სახლში – ოჯახის ექიმის მეთვალყურეობით იმყოფებიან. იზოლაციაშია 100 ადამიანი.