ხარაგაულის მუნიციპალიტეტში, ბოლო 24-საათში, კორონავირუსი 33 პირს დაუდასტურდა. მათგან 6 ბავშვია.

კორონავირუსით ინფიცირებულები დ. ხარაგაულის, წაქვას, ჩხერის, უბისას, ვერტყვიჭალას, მაქათუბნის, ლეღვანის, ღარიხევის, ღორეშას, ერეთას, ბორითის, კიცხის, ბორისა და ვანის მაცხოვრებლები არიან.

ხარაგაულში ამ ვირუსის პირველად გამოვლენიდან 14 დეკემბრამდე სულ 3 271 პირი დაინფიცირდა. მათგან 2 720 გამოჯანმრთელდა, 42 – გარდაიცვალა.

ამჟამად ხარაგაულში covid-19-ით ინფიცირებული 509 ადამიანიდან 39 საავადმყოფოში მკურნალობს, დანარჩენები ბინაზე – ოჯახის ექიმის მეთვალყურეობით. იზოლაციაშია 106 პირი.

ხარაგაულის საზოგადოებრივი ჯანდაცვის ცენტრის ინფორმაციით, ხარაგაულისა და ბორითის კლინიკების თანამშრომელთა კორონავირუსზე გუშინ, 13 დეკემბერს, ჩატარებული PCR ტესტების პასუხები უარყოფითია.