რიკოთის ავტობანის მშენებლობის არეალში მოხვედრილი ხევის საბავშვო ბაღისთვის ახალი შენობის აგება გზის მშენებელი კომპანიის – „ჩინეთის სახელმწიფო სამშენებლო-საინჟინრო კორპორაციის საქართველოს ფილიალის“ ვალდებულებაა.

ამ ორგანიზაციის გარე კომუნიკაციების მენეჯერის, დავით სუჯაშვილისგან მოპოვებული ინფორმაციით, „ხევის საბავშვო ბაღის პროექტმა ექსპერტიზა გაიარა, ამჟამად ტექნიკური დეტალები ზუსტდება და სატენდერო დოკუმენტაცია მზადდება. ხევში თანამედროვე სტანდარტების, 50 ბავშვზე გათვლილი, საბავშვო ბაღი აშენდება.

რიკოთის ავტობანის მშენებელი კომპანია, დავით სუჯაშვილის თქმით, ბაღის მშენებლობისთვის ტენდერს დეკემბერში გამოაცხადებს.