ხარაგაულის მუნიციპალიტეტში ამჟამად კორონავირუსით 400 პირია ინფიცირებული.

საზოგადოებრივი ჯანდაცვის ცენტრიდან მოპოვებული ინფორმაციით, მათგან 39 კოვიდკლინიკებში მკურნალობს, დანარჩენები ბინაზე – ოჯახის ექიმის მეთვალყურეობით

ბოლო 24 საათში ხარაგაულში კორონავირუსის 31 ახალი შემთხვევა გამოვლინდა. მათგან 4 ბავშვია.

ხარაგაულში covid-19-ის პირველად დადასტურებიდან დღემდე სულ 3 052 პირია ინფიცირებული. მათგან 2 610 გამოჯანმრთელდა, 42 გარდაიცვალა.  106 პირი იზოლაციაში იმყოფება.

ჯანდაცვის ცენტრის წარმომადგენლის, ირინა გელაშვილის ინფორმაციით, მიმდინარე წლის ნოემბერში ხარაგაულში კორონავირუსით ინფიცირების ყველაზე მაღალი მაჩვენებელი დაფიქსირდა –  ეს ვირუსი 954 პირს დაუდასტურდა. ნოემბერში ხარაგაულში კორონავირუსით 14 ადამიანი გარდაიცვალა.