ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ჩხერში მცხოვრები მამაკაცი ხაშურის კოვიდცენტრში მკურნალობდა.

მას კორონავირუსი 4 ნოემბერს დაუდასტურდა. კორონავირუსის საწინააღმდეგო აცრა ამ მამაკაცს ჩატარებული არ ჰქონდა.

ექიმ ნინო ყიფშიძის ინფორმაციით, ინფიცირებულს რაიმე თანმხლები დაავადება არ აწუხებდა.

კლინიკაში მკურნალობს გარდაცვლილის მეუღლეც, რომლის მდგომარეობა მძიმეა.

ხარაგაულში კორონავირუსით გარდაცვლილთა რიცხვი 41-მდე გაიზარდა.