ხარაგაულის საზოგადოებრივი ჯანდაცვის ცენტრისგან მოპოვებული ინფორმაციით, ბოლო 48 საათში ხარაგაულში კორონავირუსი 50 პირს დაუდასტურდა. მათგან ხუთი ბავშვია.

ამ ვირუსის ხარაგაულში პირველად დაფიქსირებიდან დღემდე სულ 2 948 შემთხვევაა გამოვლენილი, მათგან 2 400 ინფიცირებული გამოჯანმრთელდა, 40 გარდაიცვალა.

ამჟამად 508 ინფიცირებულიდან 38 საავადმყოფოში მკურნალობს, დანარჩენები ბინაზე – ოჯახის ექიმის მეთვალყურეობით.

ორშაბათს, 22 ნოემბერს, ხარაგაულისა და ბორითის კლინიკების მედპერსონალისთვის ჩაატარებული PCR ტესტების პასუხები უარყოფითია.

საზოგადოებრივი ჯანდაცვის ცენტრის ექიმი ნინო ყიფშიძე ამბობს, რომ კორონავირუსზე ტესტის გასაკეთებლად მათ ცენტრში დღიურად 50 პირი მიდის. ექიმი რეგულაციების დაცვისკენ მოგვიწოდებს.