ხარაგაულის საზოგადოებრივი ჯანდაცვის ცენტრის ინფორმაციით, მარელისში მცხოვრები მამაკაცი თბილისის ერთ-ერთ კოვიდკლინიკაში მკურნალობდა.

„ის ჩვენთან ტესტის გასაკეთებლად ერთი თვის წინ, ოქტომბრის დასაწყისში, მოვიდა და გვითხრა, რომ ბოლო ორი კვირა თავს შეუძლოდ გრძნობდა, – ამბობს საზოგადოებრივი ჯანდაცვის ცენტრის წარმომადგენელი ირინე გელაშვილი, – აღენიშნებოდა ტემპერატურა და ამ ვირუსისთვის დამახასიათებელი სხვა სიმპტომები.

კორონავირუსის დადასტურებისთანავე ის სამკურნალოდ თბილისში გადაიყვანეს. 82 წლის მამაკაცი კოვიდის საწინააღმდეგო ვაქცინით აცრილი არ ყოფილა. როგორც მისი ოჯახის წევრებისგან ვიცით, თანმხლები დაავადებები არ აწუხებდა“.

18 ნოემბრის მდგომარეობით ხარაგაულის მუნიციპალიტეტში კორონავირუსით გარდაცვლილთა რაოდენობა 37-მდე გაიზარდა.