გასულ შაბათ-კვირას, – 13 და 14 ნოემბერს ხარაგაულის მუნიციპალიტეტში კორონავირუსი 46 ადამიანს დაუდასტურდა.

მათგან 7 არასრულწლოვანია და ისინი დაბა ხარაგაულის, სარგვეშის, ქვების, ხიდრისა და ვარძიის მაცხოვრებლები არიან.

ამით, covid-19-ით ინფიცირებულთა საერთო რაოდენობა, ხარაგაულში კორონავირუსის პირველად დაფიქსირებიდან დღემდე, 2653-მდე გაიზარდა.

სამწუხაროდ, გვყავს გარდაცვლილი – კორონავირუსით ხევში მცხოვრები 81 წლის მამაკაცი გარდაიცვალა. ის ხაშურის კლინიკა „გორმედში“ მკურნალობდა.

15 ნოემბრის მდგომარეობით, ხარაგაულის მუნიციპალიტეტში covid-19-ით გარდაცვლილთა რაოდენობა 35-მდე გაიზარდა.