იმ პირებისთვის, ვისაც გადაადგილება არ შეუძლიათ ან ტრანსპორტი არ აქვთ, ჯანდაცვის სამინისტროსგან დაქირავებული ავტომობილები ემსახურებიან.

ამისათვის, კორონავირუსზე ტესტირების საჭიროების მქონე მოქალაქემ ჯანდაცვის სამინისტროს ცხელ ხაზზე 1501 უნდა დარეკოს და აცნობოს, რომ covid-19-ზე ტესტირება ესაჭიროება და ტრანსპორტირებაში დახმარება სჭირდება.

გადაადგილების უნარის მქონე პირებს ტესტირების უახლოეს დაწესებულებამდე სამინისტროსგან დაქირავებული ავტომობილები გადაიყვანენ; ხოლო მათთან, ვისაც ტრანსპორტირება ფიზიკურადაც არ შეუძლია, ოჯახში მიუყვანენ სპეციალისტებს, ტესტირებისთვის.

კორონავირუსით დაავადებული ადამიანები ჯანდაცვის სამინისტროსგან გამოყოფილ ტრანსპორტს სისხლის ანალიზისა და კომპიუტერული ტომოგრაფიის გადასაღებადაც გადაჰყავს.