ხარაგაულის საავადმყოფოს ექთნის, შორენა ლოლაძის ინფორმაციით,ხარაგაულში სულ 4 ათასამდე ადამიანია აცრილი.

„პენსიონერებისთვის ვაქცინაციის წამახალისებელი აქციის დაანონსების შემდეგ, აცრის მსურველთა რაოდენობა გაიზარდა, – ამბობს შორენა ლოლაძე, – ორშაბათიდან ბუსტერ დოზის გაკეთებას დავიწყებთ“.

ხარაგაულში აცრები ყოველ სამშაბათსა და ხუთშაბათს სინოფარმით ტარდება, ხოლო ბორითის კლინიკაში სინოვაკით – პარასკევსა და შაბათს. მოქალაქეებს აცრა წინასწარი რეგისტრაციის გარეშე შეუძლიათ.

შეგახსენებთ, რომ პრემიერ მინისტრის ირაკლი ღარიბაშვილის თქმით, ის პენსიონერები, რომლებიც 2022 წლის პირველ იანვრამდე აიცრებიან, ერთჯერადად 200 ლარს მიიღებენ.