გასული 24 საათის განმავლობაში, ხარაგაულის მუნიციპალიტეტში კორონავირუსი, ტესტირებით, 28 ადამიანს დაუდასტურდა. მათგან 9 ბავშვია.

ამით ინფიცირებულთა საერთო რაოდენობა, ხარაგაულში covid-19-ის პირველად დაფიქსირებიდან დღემდე, 2607-მდე გაიზარდა.

გამოჯანმრთელებულთა რაოდენობა 7-ით გაიზარდა და 1717 გახდა.

ამჟამად ხარაგაულის მუნიციპალიტეტში მცხოვრებ 856 ადამიანს აქვს კორონავირუსი, ტესტირებით დადასტურებული. თუმცა, შესაძლოა, ამ ვირუსით გაცილებით მეტი იყოს ინფიცირებული, – ვინც არ გაიტესტა ან covid-19-ის უსიმპტომო ფორმა აქვს.

დღეისათვის, 856 ინფიცირებულიდან 36 სტაციონარში მკურნალობს, დანარჩენები – საკუთარ სახლებში, ოჯახის ექიმის მეთვალყურეობით.

ხარაგაულის მუნიციპალიტეტში, 12 ნოემბრის მდგომარეობით, 263 პირი თვითიზოლაციაში იმყოფება.