გასულ 24 საათში ხარაგაულის მუნიციპალიტეტში კორონავირუსის 57 ახალი შემთხვევა გამოვლინდა და ამით ამ ვირუსით ინფიცირებულთა საერთო რაოდენობა, ხარაგაულში პირველად დაფიქსირებიდან დღემდე, 2493-მდე გაიზარდა.

გასული დღე-ღამის განმავლობაში გამოჯანმრთელდა 5 ხარაგაულელი პაციენტი და ამით გამოჯანმრთელებულთა საერთო რაოდენობა 1695 გახდა.

დღეისათვის, ხარაგაულში მცხოვრები 764 ინფიცირებულიდან, სტაციონარში 35 პაციენტი მკურნალობს. მათგან ერთი მძიმეა და ის თბილისის კლინიკაში იმყოფება.

ამ დრომდე, ხარაგაულის მუნიციპალიტეტში კორონავირუსით სულ 34 ადამიანია გარდაცვლილი. ამჟამად 250 პირი იზოლაციაშია.