ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ორშაბათს, 1 ნოემბერს,  ხარაგაულისა და ბორითის კლინიკებში ჩატარებული გეგმიური ტესტირების შედეგად კორონავირუსი ბორითის საავადმყოფოს სამ თანამშრომელს დაუდასტურდა.

სამივე მათგანი უმცროსი სამედიცინო პერსონალია. მათი ჯანმრთელობის მდგომარეობა ამჟამად დამაკმაყოფილებელია.

3 ნოემბრის მონაცემებით, ბოლო 24 საათში ხარაგაულში კორონავირუსის 87 ახალი შემთხვევა გამოვლინდა.