კორონავირუსის გავრცელების გამო ხარაგაულში 12 სკოლა სრულად დისტანციურ რეჟიმზეა გადასული.

ხარაგაულის #2, #3, ბაზალეთის, ბორის, კიცხის, ლეღვანის, ლაშის, საღანძილის, ვახანის, მოლითის სკოლებსა და სასულიერო გიმნაზიის შემდეგ დისტანციურ სწავლებაზე გადავიდა ვაშლევის საჯარო სკოლა.

ვაშლევის სკოლაში კორონავირუსი სამ მასწავლებელს დაუფიქსირდა.

ხარაგაულის საგანმანათლებლო რესურსცენტრის უფროსის, მარინე ვეფხვაძის ინფორმაციით, სწავლის საკლასო ოთახებში განახლება ხარაგაულში ეპიდემიოლოგიურ სიტუაციაციაზეა დამოკიდებული.

„კორონავირუსის საწინააღმდეგო ვაქცინაცით აცრილი პედაგოგები ორ კვირაში ერთხელ გეგმიურად იტესტებიან, ხოლო არავაქცინირებულები – კვირაში ერთხელ.

პარასკევს, 5 ნოემბერს, დაწვრილებით მოვიძიებთ ინფორმაციას სკოლებში პედაგოგებისა და მოსწავლეების ჯანმრთელოპბის მდგომარეობის შესახებ და ამის მიხედვით მივიღებთ გადაწყვეტილებას, თუ რა ფორმით გაგრძელდება სკოლები სწავლა, – ამბობს მარინე ვეფხვაძე.

სწავლების დისტანციურ რეჟიმზე გადავიდა დღეიდან ხარაგაულის მუნიციპალიტეტში მოქმედი საბავშვო ბაღების დამამთავრებელი ჯგუფები.

ფოტოზე: ვაშლევის საჯარო სკოლა 2021 წლის ივნისი