კორონავირუსით ინფიცირების შემთხვევების მატების გამო ხარაგაულში მოქმედი 26 სკოლიდან 11 სრულად დისტანციურ სწავლებაზეა.

ხარაგაულის #2, #3, ბაზალეთის, ბორის, კიცხის, ლეღვანის, ლაშის, საღანძილის, ვახანის, მოლითის სკოლებსა და სასულიერო გიმნაზიაში დისტანციური სწავლება 5 ნოემბრის ჩათვლით გაგრძელდება.

ბორითის სკოლაში ერთი კლასი დისტანციურ სწავლებაზე გადავიდა.

ხარაგაულის საგანმანათლებლო რესურსცენტრის უფროსის, მარინე ვეფხვაძესგან მოპოვებული ინფორმაციით, ამჟამად ხარაგაულში კორონავირუსით ინფიცირებულია 36 მასწავლებელი და 32 მოსწავლე.