25 ოქტომბრიდან იუსტიციის სახლებში ნებისმიერი სერვისის მისაღებად, წინასწარი ჯავშანი მოიხსნა.

„ჯავშნის მოხსნა უკავშირდება იუსტიციის სახლების მიერ გასაცემი სახელმწიფო სერვისების რაოდენობის ზრდას. ასევე, მოქალაქეთა მხრიდან სახელმწიფო მომსახურების სწრაფად მიღების მოთხოვნის მატებას, რის გამოც წინაწარი დაჯავშნის პირობებში, იუსტიციის სახლში ვიზიტის განსახორციელებლად, სულ მცირე, ერთკვირიანი მოლოდინი იყო საჭირო.

რიგის მართვა ხორციელდება კოვიდ-რეგულაციების გათვალისწინებით. მათ შორის, უზრუნველყოფილია გარე სივრცეში მოლოდინის რეჟიმი. იუსტიციის სახლი მოქალაქეთა ნაკადის გატარებას მაქსიმალურად მოკლე დროში ახორციელებს.

იუსტიციის სახლი ზრუნავს მომხმარებლის უსაფრთხოებაზე, შიდა სივრცეები აღჭურვილია თანამედროვე თერმოსკრინინგის აპარატებით, დისტანციის დაცვის მანიშნებლებითა და სადეზინფექციო სითხეებით“, – აღნიშნულია იუსტიციის სახლის ოფიციალურ ფეისბუქგვერდზე.