მოსწავლეებსა და მასწავლებლებში კორონავირუსის გავრცელების გამო კიცხის სკოლა დღეიდან, 15 ოქტომბრიდან, 22 ოქტომბრის ჩათვლით სწავლების დისტანციურ რეჟიმზე გადავიდა.

ხარაგაულის სასულიერო გიმნაზიაში კი ონლაინსწავლება 25 ოქტომბრამდე გაგრძელდება.

კიცხის სკოლაში კორონავირუსით 3 მასწავლებელი და 7 მოსწავლეა ინფიცირებული, ხოლო სასულიერო გიმნაზიაში – 10 მოსწავლე.

ხარაგაულის საგანმანათლებლო რესურსცენტრის უფროსის, მარინე ვეფხვაძისგან მოპოვებული ინფორმაციით, კორონავირუსით ამ მომენტისთვის ხარაგაულში მოქმედი 26 სკოლის 42 მოსწავლე და 8 მასწავლებელია ინფიცირებული.

ამჟამად ხარაგაულში სრულად დისტანციურ სწავლებაზეა ხევისა და წყალაფორეთის საჯარო სკოლები და ნებოძირის დაწყებითი სკოლა.

ბორის საჯარო სკოლაში ონლაინსწავლებაზეა X და XI კლასები, ხარაგაულის #2 სკოლის XI კლასი და ხარაგაულის #3 სკოლაში – II კლასი.

ფოტოზე: კიცხის საჯარო სკოლა