ხარაგაულის სკოლამდელ დაწესებულებათა გაერთიანების დირექტორის, მამუკა ჭიპაშვილის ინფორმაციით, დღეიდან, 13 ოქტომბრიდან 25 ოქტომბრამდე სასწავლო-სააღმზრდელო პროცესი შეწყდება საღანძილის საბავშვო ბაღში.

ამ საბავშვო ბაღში კორონავირუსი აღმზრდელსა და აღსაზრდელებს დაუფიქსირდათ.

ამ დროისთვის ხარაგაულის #1 და კიცხის საბავშვო ბაღები დახურულია.

მამუკა ჭიპაშვილის ინფორმაციით, ხარაგაულში მოქმედ საბავშვო ბაღებში 15 ოქტომბერს აღსაზრდელებს არ მიიღებენ და იქ, სადაც ეპიდემიოლოგიური ვითარება ამის საშუალებას მისცემს, სასწავლო პროცესი 18 ოქტომბრიდან განახლდება.