ბოლო 24-საათში ხარაგაულში კორონავირუსით ინფიცირების 12 ახალი შემთხვევა დადასტურდა.

2-2- ინფიცირებულია წყალაფორეთში, გრიგალათში, ბორითსა და ღორეშაში, თითო-თითო – ჯაფაროულში, დაბა ხარაგაულში, ზედუბანსა და სერბაისში.

ხარაგაულში კორონავირუსის პირველად დაფიქსირებიდან დღემდე 1 409 შემთხვევაა დადასტურებული. მათგან 1 258 პირი გამოჯანმრთელდა, 24 გარდაიცვალა.

127 ინფიცირებულიდან 16 საავადმყოფოში მკურნალობს. დანარჩენები ბინაზე, ოჯახის ექიმის მეთვალყურეობის ქვეშ იმყოფებიან. ამჟამად იზოლაციაში 79 მოქალაქეა.

ხარაგაულის საზოგადოებრივი ჯანდაცვის ცენტრის ექიმები ინფიცირებულთა რაოდენობის ზრდას პროგნოზირებენ.