ჯანდაცვის მინისტრის მოადგილის, თამარ გაბუნიას განცხადებით, იმუნიზაციის საბჭომ მხარი დაუჭირა ე.წ. „ბუსტერ დოზის“ გამოყენებას მეორე აცრის გაკეთებიდან 6 თვის შემდეგ.

„ბუსტერ დოზის“ გამოყენება შესაძლებელია მეორე აცრიდან 6 თვის შემდეგ 50 წლის ზემოთ პირებში, – განაცხადა თამარ გაბუნიამ, – ასევე ნებისმიერი ასაკის პირებში, ვისაც აქვს რაიმე ქრონიკული დაავადება და ასევე, მაღალი რისკის პროფესიებში, როგორიც გახლავთ სამედიცინო პერსონალი, ასევე დახურული ტიპის დაწესებულებაში მცხოვრები პირები და იქ დასაქმებული თანამშრომლები“.

დღეს, 7 ოქტომბერს, იმუნიზაციის საბჭომ 12-დან 15 წლამდე ასაკის ბავშვების აცრაზე რეკომენდაცია გასცა.