მოლითი-ფონა-ჩუმათელეთის საავტომობილო გზის მშენებლობა, რომელიც 2021 წლის აპრილში უნდა დასრულებულიყო, დღეისათვის შეჩერებულია.

ამ გზის ყველაზე პრობლემური მონაკვეთები, საავტომობილო გზების დეპარტამენტის დაკვეთით, აგვისტოს დასაწყისში შპს „არალმა“ დახრეშა.

„სამომავლოდ, ჯერ არ ვიცით, გააგრძელებს თუ არა შპს „არალი“ ამ გზის მოვლას, – ამბობს საავტომობილო გზების დეპარტამენტის საზოგადოებასთან ურთიერთობის სამსახურის უფროსი თამარ ჯაფარიძე.

მშენებელ კომპანია „აკორდს“ ფინანსური პრობლემები შეექმნა. ამიტომ, დიდი ალბათობით, მასთან ხელშეკრულება შეწყდება და ტენდერი ხელახლა გამოცხადდება. თუმცა, ოფიციალურად, გადაწყვეტილება ჯერ მიღებული არ არის“.