მეცხოველეობის განვითარებით დაინტერესებული საწარმოებისთვის პროექტის ფარგლებში – „ინვესტირება უვნებელ და ხარისხიან მესაქონლეობაში“ (SQIL) კონკურსი გამოცხადდა.

პროექტების თანადაფინანსებისთვის განაცხადები მიიღება საქართველოში საქონლის ხორცისა და რძის პროდუქტების წარმოების გაზრდისა და ბაზრებზე ხელმისაწვდომობის ამაღლების მიზნით.

კონკურსი მიზნად ისახავს:

  • ბაზარზე ხელმისაწვდომობის გაზრდას;
  • პროდუქციის წარმოების შემდგომ დამუშავებასა და შენახვას;
  • პროდუქტიულობის გაუმჯობესებას;
  • ფინანსურ მომსახურეობაზე ხელმისაწვდომობის გაუმჯობესებას.

SQIL-ი იღებს განაცხადებს მხოლოდ საქართველოში რეგისტრირებული, მოგებაზე ორიენტირებული საწარმოებიდან.

დამწყები (ე.წ. „სტარტაპ“) ორგანიზაციები არ არიან უფლებამოსილი მონაწილეობა მიიღონ პროექტში.

უფლებამოსილ ორგანიზაციებს მიეკუთვნებიან:

  1. მსხვილფეხა საქონლის ხორცის და რძის პროდუქტების მწარმოებელი ფერმერები (ფერმაში უნდა იყოს მინიმუმ 20 ზრდასრული მეხორცული ან მერძეული საქონელი, ხბოს რაოდენობის გამოკლებით);
  2. რძის შემგროვებლები, რძისა და ხორცის გადამამუშავებლები, რომლებიც დაინტერესებული არიან გაზარდონ ბიზნესის კონკურენტუნარიანობა, რეალიზაცია და წარმადობა;
  3. სასაკლაოები, რომელთაც აქვთ ინფრასტრუქტურისა და წარმოების გაუმჯობესების საჭიროება.

ქართულ და ინგლისურ ენებზე დაწერილი განაცხადების უნდა წარადგინოთ ელექტრონული ფოსტის მეშვეობით შემდეგ მისამართებზე:

nkeshelava@landolakes.org

SQILbizops@landolakes.org

SQIL პროექტისადმი მოთხოვნილი თანხა არ უნდა აღემატებოდეს 75,000 აშშ დოლარის ექვივალენტს ეროვნულ ვალუტაში და არ უნდა იყოს 10,000 აშშ დოლარზე ნაკლები.

განაცხადის შემოტანის ბოლო ვადაა 2021 წლის 11 ოქტომბერი.

პროექტს ახორციელებს Land O’Lakes Venture37-ი საქართველოს ფერმერთა ასოციაციასთან პარტნიორობით. პროექტი დაფინანსებულია აშშ-ის სოფლის მეურნეობის დეპარტამენტის (USDA) მიერ.

დამატებით ინფორმაციას გაეცანით ბმულზე: https://bit.ly/2YzQNX4