ბოლო 24-საათში ხარაგაულში კორონავირუსით ინფიცირების მხოლოდ ერთი ახალი შემთხვევა გამოვლინდა.

კორონავირუსი გედსამანიაში მცხოვრებ ასაკოვან მამაკაცს დაუდასტურდა. ის სამკურნალოდ ზესტაფონის საავადმყოფოში გადაიყვანეს.

covid-19-ის ხარაგაულში პირველად გამოვლენიდან დღემდე ამ ვირუსით სულ 1 239 პირი დაავადდა, მათგან 1 145 გამოჯანმრთელდა, 17 გარდაიცვალა.

16 სექტემბრის მდგომარეობით, ხარაგაულის მუნიციპალიტეტში covid-19-ით 77 ადამიანია ინფიცირებული. მათგან 19 სტაციონარში მკურნალობს; ხოლო დანარჩენები ბინაზე, ოჯახის ექიმის მეთვალყურეობით. იზოლაციაში 107 პირია.

ხარაგაულის საზოგადოებრივი ჯანდაცვის ცენტრის ექიმები მოგვიწოდებენ, რომ

  • ვირუსის დადასტურების შემდეგ მკაცრად დავიცვათ იზოლაციის წესები, რათა არ გავხდეთ ოჯახის წევრების, მეზობლების, მეგობრების, თანამოქალაქეების ინფიცირების მიზეზი;
  • ვატაროთ პირბადე ღია და დახურულ სივრცეებში;
  • ავიცრათ კორონავირუსის საწინააღმდეგო ვაქცინით.